Традыцыi культуры лесакарыстання беларусаў у XX - пачатку XXI стагоддзя

Abstract

На падставе разгляду шэрага этнаграфічных прац, а таксама даследаванняў па фальклоры, этнабатаніцы, лесазнаўстве і іншым напрамкам аўтар вызначае асноўныя этапы і напрамкі ў вывучэнні праблемы. Беларуская этналогія назапасіла багаты фактычны матэрыял па праблеме традыцыйнай культуры лесакарыстання беларусаў. У XX – пачатку XXI стагоддзя з’явіліся манаграфіі, артыкулы, прысвечаныя характарыстыцы прамысловых заняткаў беларусаў, у якіх знайшлі адлюстраванне пытанні, звязаныя з этнакультурнымі аспектамі лесакарыстання, працы, якія раскрываюць светапоглядныя ўяўленні беларусаў аб прасторы лесу. У сувязі з гэтым актуальнасць набывае вывучэнне гістарыяграфіі традыцый культуры лесакарыстання беларусаў у XX – пачатку XXI стагоддзя з мэтай абагульнення інфармацыйнай базы па дадзенай тэме, а таксама далейшага вывучэння і тэарэтычнага асэнсавання праблемы.