Прыметы, вiды i сродкi камiчнага як мастацкай з'явы

Abstract

Мэтай гэтага артыкула з’яўляецца аналіз эстэтычнай і сацыяльнай сутнасці камічнага, яго асноўных прымет, відаў і сродкаў як мастацкай з’явы. Асноўнымі прыметамі камічнага можна лічыць смехавую прыроду, станоўчую або негатыўную ацэнку прадмета смеху, характарызацыю суб’екта смеху, лакалізацыю ў жыцці чалавека і грамадства, апора на памылкі, непаразуменні, недарэчнасці, адхіленне ад існуючых норм, адпаведнасць аб’ектыўным эстэтычным і/або этычным ідэалам, наяўнасць сацыяльна значнай неадпаведнасці, супярэчнасці, імкненне да сцвярджэння новага, прагрэсіўнага. Асноўнымі відамі камічнага з’яўляюцца гумар і сатыра, паміж якімі знаходзіцца вялікая колькасць адценняў смеху, які па сваёй сутнасці з’яўляецца амбівалентным, што абумоўлівае сінкрэтычную прыроду камічнага як арганічнай часткі жыцця чалавека і грамадства. Камічны эфект дасягаецца рознымі сродкамі, якія могуць быць зместавымі (канфлікт, сітуацыя і г.д.) і фармальнымі (маўленчыя), і залежыць ад умелага выкарыстання як зместавых (нямоўных), так і фармальных (моўных) сродкаў, сярод якіх самымі дзейснымі з’яўляюцца моўныя (маўленчыя) сродкі.