Археалагічныя комплексы пасадаў Полацка IX - XVIII стст. (па выніках раскопак 2004 - 2012 гг.)

Abstract

Манаграфія выканана ў межах задання «Сацыяльная тапаграфія, гаспадарка, культура i антрапалопія насельніцтва Полацка i Полацкай зямлі ў IX - XVIII стст» дзяржаўнай праграмы навуковых даследаванняў "Гуманітарныя навукі як фактар развіцця беларускага грамадства i дзяржаўнай ідэалогіі" на 2011 - 2015 гг. у падпраграме № 1 «Гісторыя, духоўная i матэрыяльная культура беларускага народа» ДПНД («Гісторыя, культура, грамадства, дзяржава»). Комплексна прадстаўлены новыя археалагічныя крыніцы IX-XVIII стст., здабытыя падчас палявых экспедыцый Полацкага дзяржаўнага ўніверсітэта пад кіраўніцтвам аўтара з 2004 па 2012 гады на тэрыторыі горадаутваральных полацкіх пасадаў -Вялікага, Запалоцкага i Этманскага. Прадстаўленыя матэрыялы могуць быць выкарыстаны для рэканструкцыі развіцця рамёстваў, гандлёвых i культурных сувязяў Полацка, вызначэння асаблівасці гістарычнай тапаграфіі горада i ўзроўню развіцця яго матэрыяльнай культуры. Прадметам даследавання з'яўляюцца археалагічныя комплексы, выяўленыя падчас правядзення археалагічных раскопак. Выданне разлічана на прафесійных археолагаў, гісторыкаў, студэнтаў вышэйшых навучальных устаноў гістарычных спецыяльнасцей, краязнаўцаў i ўcix, хто цікавіцца вывучэннем гістарычнага мінулага самага старажытнага горада на тэрыторыі Беларусі.