Літаратурны твор як «моўная хвароба»: тэма мовы ў сучаснай беларускай літаратуры

Abstract

У перыяд мультыкультурнага, полімоўнага існавання чалавека трансфармуюцца мастацкія ўяўленні пра моўныя вобразы твораў. Для беларускай літаратуры характэрны дзве галоўныя тэндэнцыі ўвасаблення тэмы мовы: распрацоўка літаратурнай нармаванай мовы на аснове бытавога ўжывання і іранічна парадыйнае адлюстраванне недахопаў беларускамоўнай сацыяльнай камунікацыі. У творах сучасных беларускіх пісьменнікаў усё часцей вызначаюцца матывамі «смерці мовы» і «пошуку мовы». У сувязі з тым, што сённяшняя сітуацыя з моваю выглядае як драматычныя стасункі розных лінгвістычных сістэм і моўных культур стылістыка твораў пра мову набывае іранічна-сатырычны характар. Напрыканцы ХХ стагоддзя і напачатку ХХІ стало ўжо традыцыяй выкарыстоўваць лексічныя, фанетычныя, граматычныя памылкі як характарыстыкі часу, беларускага топасу.