Лексiка лацiнскага паходжання у беларускай i раманскiх мовах

Abstract

Ва ўступнай частцы артыкула праводзіцца супастаўляльны аналіз асобных лексічных адзінак беларускай мовы, якія ўзыходзяць да лацінскіх этымонаў (літара, верш, парасон, градус і інш.), і адпаведных паралеляў раманскіх моў, што дазваляе выявіць пэўнае падабенства і асаблівасці ў іх лексіка-семантычным развіцці. Так, адны беларускія намінацыі не маюць істотных семантычных адрозненняў ад раманскіх адпаведных форм, іншыя характарызуюцца семантычнымі зрухамі з прырашчэннем дадатковай семантыкі ў асобных мовах, трэція набылі новы сэнс і новае фармальнае аблічча ў выніку сцяжэння форм пад уздзеяннем польскай мовы, чацвѐртыя маюць толькі фармальную сугучнасць слоў, што, аднак, не сведчыць аб іх утварэнні ад аднаго лацінскага этымона.