Сельскія пахавальныя помнікі Беларускага Падзвіння XIV–XVIII стст.: лакальныя асаблівасці і развіццё пахавальнай абраднасці»

Abstract

Аб’ект даследавання: пахавальныя традыцыі на Беларусі ў XIV–XVIII стст.

Прадмет даследавання: сельскія пахавальныя помнікі Беларускага Падзвіння XIV–XVIII стст.

Мета даследавання: вылучэнне лакальных асаблівасцей і этапаў развіцця пахавальнай абраднасці насельніцтва Беларускага Падзвіння XIV–XVIII стст. (па даных археалогіі).

Задачы даследавання: 1. распрацоўка класіфікацыі пахавальных помнікаў Беларускага Падзвіння XIV–XVIII стст. з улікам трохузроўневай структуры пахавальнага помніка (могільнік — пахавальны комплекс — пахаванне); 2. выяўленне адметнасцей размяшчэння асобных катэгорый пахавальных помнікаў Беларускага Падзвіння XIV–XVIII стст. з картаграфаваннем атрыманых вынікаў; 3. правядзенне археалагічных раскопак на раней не вывучаных пахавальных помніках Беларускага Падзвіння XIV–XVIII стст.; 4. камеральная апрацоўка матэрыялаў археалагічных даследаванняў 2013–2015 гг. на могільніках каля вв. Івесь, Клешчыно, Жарнасекава, Мураўшчына, Доўгае, Васькавічы, што не былі ўведзены ў навуковы зварот; 5. вылучэнне канструктыўных асаблівасцей і параметраў магільных ям і трун з могільнікаў Беларускага Падзвіння ХІV–XVIII стст.; 6. правядзенне класіфікацыі інвентара пахавальных помнікаў Беларускага Падзвіння ХІV–XVIII стст. з улікам уласных матэрыялаў; 7. правядзенне рэканструкцыі элементаў пахавальнай абраднасці па даным археалогіі, этнаграфіі і пісьмовых крыніц з вывучэннем залежнасці пахавальнага абрада ад рэлігійнай прыналежнасці і сацыяльнага статуса пахаванага з вывучэннем эвалюцыі і вылучэнне лакальных варыянтаў пахавальнай абраднасці пахавальных помнікаў Беларускага Падзвіння ХІV–XVIII стст.