Катэгорыя радасцi у апавяданнях К. Чорнага

Abstract

У прозе К. Чорнага можна вызначыць шэраг сэнсавых катэгорый (нешта новае, радасць і інш.). У дадзеным артыкуле аналізуецца катэгорыя радасці ў некаторых з апавяданняў 20-х гадоў К. Чорнага, вызначаюцца яе аспекты (радасць жыцця, радасць маладосці, радасць дзеяння, звярыная радасць, ціхая радасць і інш.), робіцца акцэнт на радасці, прычынна не абумоўленай, вызначаецца роля катэгорыі ў пабудове вобразнай сістэмы. Пісьменнік напоўніў свае творы пэўным настроем; радасць – ад сумнай і ціхай да звярынай і ненармальнай – стварае своеасаблівы псіхалагічны фон і з’яўляецца важным сродкам для стварэння вобразаў герояў. Радасць вырастае ў апавяданнях К. Чорнага да цэлай жыццѐвай філасофіі, становіцца той прызмай, праз якую герой глядзіць на свет.