Гістарычныя вехі станаўлення кадравай сістэмы культуры

Abstract

Разглядаецца гістарычная дынаміка фарміравання цэласнай кадравай сістэмы галіны культуры, якая прайшла пэўныя этапы развіцця. Прапанавана яе перыядызацыя: 1) стварэнне інстытуцыянальнай культурна-асветнай сістэмы і ў яе межах развіццё кадравай складаючай; 2) інтэнсіўнае адраджэнне (пасля ўрону, нанесенага Вялікай Айчыннай вайной) і ўдасканаленне культурна-асветнай сістэмы, прафесійнага мастацтва і мастацкай адукацыі, узмацненне кадравага патэнцыялу галіны культуры; 3) набліжэнне да фарміравання цэласнай кадравай сістэмы, імкненне да інтэграцыі ўзаемна звязаных узроўняў адукацыі ў адзіную сістэму бесперапыннай прафесійнай адукацыі ў сферы культуры; 4) усталяванне кадравай сістэмы галіны культуры як сукупнасці ўзаемазвязаных падсістэм: прафесійнай мастацка- вытворчай дзейнасці; бесперапыннай прафесійнай адукацыі; кіраўнічай падсістэмы, якая арганізуе і каардынуе дзейнасць усёй сукупнай кадравай сістэмы. Адзначаецца, што кадры з’яўляюцца галоўнай прадукцыйнай сілай культурнага працэсу, яны забяспечваюць выніковасць, эфектыўнасць дзейнасці і вырашэнне праблем культурнага развіцця.