Метады эстэтычнага выхавання беларускай народнай педагогiкi

Abstract

Аналізуецца рэалізацыя метадаў эстэтычнага выхавання падрастаючага пакалення (ад нараджэння да 20-гадовага ўзросту) у беларускай народнай педагогіцы. Шэраг традыцыйных метадаў народнай педагогікі (праца, назіранне, гульня, прывучэнне, расказванне, прыклад і аўтарытэт і г.д.) маюць спецыфічнасць выкарыстання на падставе адвечных сродкаў выхавання (праца, родная мова, народная творчасць (найперш фальклор), гульні, традыцыі, звычаі, святы, абрады) у розныя ўзроставыя перыяды. У маленстве праз метады назірання, унушэння, растлумачэння, пераканання ідзе фарміраванне непасрэднага пачуцц?вага адлюстравання рэчаіснасці. Дзяцінства адметна метадамі эстэтычнага выхавання, што скіраваны на фарміраванне эстэтычных перажыванняў. З дапамогай метадаў працы, гульні, расповеда, гутаркі дзеці прывучаюцца рабіць ус?, крытэрый якасці – прыгажосць. Падлеткавы ўзрост аб’ядноўвае папярэдні і наступны перыяды, характарызуецца пераходам ад фарміравання эстэтычных перажыванняў да арганізацыі практычнай дзейнасці. Юнацтва – час арганізацыі эстэтычна значнай практычнай дзейнасці, якая ідзе праз працу, святы, абрады, традыцыі.