Сляды разбурэння мураваных будынкаў ХІ–ХІІІ стст. на Верхнім замку старажытнага Полацка

Abstract

У артыкуле прадстаўлены вынікі археалагічных даследаванняў слядоў разбурэння мураваных помнікаў ХІ– ХІІІ стст. на тэрыторыі Верхняга замка Полацка, якія былі выяўлены падчас будаўнічых прац у 2019–2022 гг. Аўтары адзначаюць, што падчас археалагічных работ былі лакалізаваны плямы разбурэння “храма на дзядзін- цы” і “княжацкага церама”, а таксама зафіксаваны тры месцы з развалам будаўнічага матэрыялу, якія можна аднесці да невядомых мураваных будынкаў. У артыкуле пададзены характар залягання будаўнічых матэрыялаў у культурных напластаваннях помніка, месца іх лакалізацыі, характарыстыка знаходак з плям разбурэння і інш. Робіцца выснова, што на Верхнім замку, акрамя Сафійскага сабора і “храма на дзядзінцы”, маглі быць разме- шчаны яшчэ два мураваныя храмы і адзін будынак нявызначанага прызначэння. Адна царква лакалізуецца аўтарамі каля могілак ХІ–ХІІІ стст., якія былі выяўлены і даследаваны ў паўночна-заходняй частцы Верхняга замка, другі храм мог быць размешчаны каля заходняй сцяны Чырвонай бальніцы, а трэці помнік фіксуецца ў прыватным сектары ў паўночнай частцы замка.