Да пытання пра размяшчэнне ікон у хатах праваслаўных сялян Полацкага павета ў другой палове ХІХ ст.: на матэрыяле архіўных крыніц

Abstract

Артыкул прысвечаны вывучэнню колькаснага і сюжэтнага складу абразоў, якія размяшчаліся ў хатах праваслаўных сялян Полацкага павета. Даследаванне выканана пры выкарыстанні археаграфічных матэрыялаў. З крыніц другой паловы ХІХ ст., якія захоўваюцца ў Нацыянальным гістарычным архіве Беларусі, удалося вызначыць звыклую колькасць хатніх ікон для гэтага рэгіёна, выявіць найбольш распаўсюджаныя сюжэты, высветліць, у якой тэхніцы маглі быць выкананы такія абразы і дзе іх набывалі сяляне. Устаноўлена, што ікон найчасцей было паўдзясятка, звычайна былі прадстаўлены сюжэты Ісуса Хрыста, Божай Маці, Св. Мікалая, Св. Юрыя, Св. Міхаіла, Св. Параскевы, сустракаюцца і іншыя выявы. Абразы часта маглі быць друкаванымі, а не пісанымі, каштавалі танна, купляліся сялянамі на кірмашах, сярод ікон сустракаюцца і выявы ў заходняй іканаграфіі, уласцівай для каталіцкай традыцыі.