Увасабленне падзей Першай сусветнай вайны ў беларускай паэзіі 1920–30-х гг.

Abstract

Прапаноўваецца новы падыход да асэнсавання беларускай паэзіі 1920–30-х гг., прысвечанай падзеям Пер- шай сусветнай вайны. Абвяргаецца стэрэатып пра мінімальную прысутнасць тэмы Першай сусветнай вайны ў беларускай літаратуры. Ажыццяўляецца сучаснае прачытанне корпуса вершаў наступных айчынных аўтараў: Змітрака Бядулі, Алеся Гаруна, Якуба Коласа, Янкі Купалы, Янкі Масленніка, Язэпа Пушчы, Язэпа Шпэта і інш. На аснове багатага фактычнага матэрыялу вылучаюцца тры ракурсы ў раскрыцці гэтай тэмы (мастацкае адлюстраванне фронту, мастацкае адлюстраванне бежанства, мастацкае адлюстраванне тылу). Фармулюецца ідэя аб камплементарнасці розных мастацкіх форм тых твораў беларускай літаратуры, у якіх увасоблены падзеі 1914–1918 гг. Пацвярджаецца антываенны пафас беларускай паэзіі пра Першую сусветную вайну. Разглядаюцца асноўныя падыходы да яе інтэрпрэтацыі ў айчынным літаратуразнаўстве 1920–30-х гг. і мяжы ХХ–ХХI стст.