Сiнтаксiс складанага сказа у беларускiх лiтаратурных афарызмах

Abstract

Вызначаюцца асноўныя мадэлі бяззлучнікавых сказаў, якія выкарыстоўваюцца ў беларускіх літаратурных афарыстычных выслоўях. Акрэсліваецца прадуктыўнасць асобных мадэляў і семантычных адносін паміж прэдыкатыўнымі часткамі бяззлучнікавых складаных сказаў, іх абумоўленасць катэгарыяльнымі ўласцівасцямі афарызма і яго стылістычнымі асаблівасцямі ў мове мастацкай літаратуры. У афарыстычных выказваннях, якія з’яўляюцца бяззлучнікавымі сказамі, ніколі не сустракаюцца адносіны паслядоўнасці з’яў і падзей, а рэалізуюцца толькі адносіны адначасовасці паміж прэдыкатыўнымі часткамі. Гэта адпавядае адной з асноўных катэгарыяльных асаблівасцей афарызма – абагульненасці зместу, якая грунтуецца на пазачасавым характары паведамлення.