Крытэрыі вылучэння тэрмінаў эканомікі са сферы функцыянавання

Abstract

Разглядаеца праблема ўпарадкавання сферы беларускай эканамічнай тэрміналогіі. Для вырашэння пастаўленай праблемы даследавана сфера функцыянавання беларускай эканамічнай тэрміналогіі, якая прадстаўлена спецыяльнай навуковай літаратурай. Вылучэнне тэрмінаў эканомікі са сферы функцыянавання падаецца актуальным, паколькі менавіта вучэбныя дапаможнікі, падручнікі, метадычныя распрацоўкі, асобныя артыкулы адлюстроўваюць сучасны стан і дынаміку змен у эканамічнай тэрміналогіі. Сцвярджаецца, што вылучэнне беларускіх эканамічных тэрмінаў са сферы функцыянавання ўяўляе праблему, што звязана з неадназначнасцю крытэрыяў іх адбору. Вызначаюцца асноўныя асаблівасці тэрміна. Вылучаюцца адрозненні тэрміна эканомікі ад агульнаўжывальных слоў, наменклатуры і прафесіяналізмаў. Аналізуюцца крытэрыі вылучэння тэрмінаў эканомікі са сферы функцыянавання: дэфініцыйны, крытэрый канцэптуальнай цэласнасці, інфармацыйны, статыстычны крытэрыі, крытэрый лагічных тэарэм, семантычны крытэрый, логіка-інтуіцыйны, графічны і стылістычны крытэрыі. Раскрываецца сутнасць і недахопы кожнага крытэрыя адбору. Робіцца выснова, што разгледжаныя крытэрыі пры адборы тэрмінаў са сферы функцыянавання варта прымяняць комплексна.= The article is denoted to the problem of the ordering the sphere of the Belarusian economic terminology.