Творчая спадчына дойлiда Iаана

Abstract

Даследуецца гістарычнае развіццё помнікаў культавага дойлідства, якія належаць аўтарству дойліда Іаана. Нададзена ўвага асобе дойліда, сучасніка прападобнай Еўфрасінні Полацкай, “прыстаўніка над майстрамі царкоўнымі”. Разгледжаны аўтарскія гіпотэзы наконт паходжання таленавітага майстра і колькасці створаных храмавых помнікаў. Гэта, як мінімум, Барысаглебскі храм, царква св. Параскевіі Пятніцы Бельчыцкай абіцелі і шэдэўр старажытнабеларускага дойлідства – Спаса-Праабражэнская царква полацкага манастыра св. Спаса. Напрыканцы ХІІ стагоддзя напрацоўкамі дойліда актыўна карысталіся майстры пры ўзвядзенні помнікаў царкоўнага дойлідства ў Смаленску, Ноўгарадзе, Пскове, Уладзіміра-Суздальскіх землях. Праведзены дэталёвы параўнаўчы аналіз архітэктурна-мастацкага вырашэння храмаў, раскрыты вызначальныя рысы ўзвядзення і аздаблення помнікаў, дадзены кароткі нарыс іх сучаснага становішча.