Творчасць Яна Баршчэускага i французская гатычная проза: пастаноука праблемы

Abstract

У артыкуле вылучаюцца і абгрунтоўваюцца падставы для супастаўляльных даследаванняў беларускага і еўрапейскага рамантызму ў рэчышчы гісторыка-кантэкстуальнага метаду. Канкрэтным прымяненнем падобнага падыходу абіраецца праблема суаднясення творчасці Яна Баршчэўскага і французскай гатычнай прозы (перадрамантычнай і рамантычнай), што ў айчыннай навуцы амаль не разглядаецца як магчымае поле для вывучэння. Акрэсліваецца кола адметных і агульных для беларускага і французскіх аўтараў (Ж. Казота, Ш. Надзье, П. Мерымэ) рысаў паэтыкі, эстэтыкі, светапоглядных арыенціраў. Прапаноўваецца погляд на рамантызм як шматаблічную мастацкую сістэму, якая складаецца з многіх «рамантызмаў» (паняцце, прапанаванае французскай даследчыцай М.-Р. Карэдор), што выкладаюць адметнае разуменне нацыянальнага пачатку ў літаратуры і культуры, традыцыі, суадносінаў фантазіі і рэчаіснасці, уяўнага і рацыянальнага.