Раскопкі на могільніку каля вёскі Івесь Глыбоцкага раёна ў 2013 годзе

Abstract

Апісваюцца археалагічныя раскопкі на грунтовым могільніку каля в. Івесь Глыбоцкага раёна ў 2013 г. Мэтай раскопак быў працяг вывучэння пахавальных помнікаў, пачатага ў 2010 г. Ускрытая ў 2013 г. плошча склала 36 м2. Адзначаецца, што стратыграфія раскопа 2013 г. суадносіцца са стратыграфіяй шурфоў і раскопаў 2010–2012 гг. Было даследавана 7 пахаванняў (3 мужчынскіх, 2 дзіцячых; 2 пахаванні належалі дарослым, пол якіх не быў устаноўлены). Пахаванні былі пазначаны каменнымі надмагільнымі канструкцыямі. Касцякі арыентаваны галавой на паўночны захад (што фіксуецца на могільніку каля вёскі Івесь упершыню) і на захад з адхіленнем да поўначы. У чатырох пахаваннях знойдзены цвікі ад трун. Робіцца выснова, што выяўлены ў дзіцячым пахаванні інвентар (2 завушніцы) датуецца XV–XVI стст.