Жанр лiтаратурна-мастацкага дзеннiка у заходнееурапейскай i беларускай лiтаратуры аб першай сусветнай вайне

Abstract

Кніга М. Гарэцкага «На імперыялістычнай вайне» з’яўляецца значным феноменам у беларускай літаратуры аб першай сусветнай вайне. Існуе шэраг літаратуразнаўчых крыніц, у якіх разглядаюцца дачыненні гэтага твора да прац Э.М. Рэмарка, Р. Олдынгтана, А. Барбюса. У той жа час літаратурна-мастацкі дзѐннік беларускага аўтара застаецца практычна па-за кантэкстам падобных кніг заходне-еўрапейскіх і амерыканскіх пісьменнікаў на тую ж тэматыку. Таму бачыцца актуальным разгледзіць некаторыя тыпалагічныя схаджэнні ў творах М. Гарэцкага і нямецкага пісьменніка Э. Юнгера. Нягледзячы на розны жыццѐвы вопыт, узровень адукацыі і першапачатковыя адносіны да падзей на полі бою ў кнігах назіраецца шэраг падабенстваў падчас адлюстравання стану асобы, надзеленай творчымі здольнасцямі, на вайне.