Пахавальна-памiнальная абраднасць беларусаў Падзвiння: гiстарыяграфiя i сучасны стан даследаванняў

Abstract

Аналізуецца гістарыяграфія і сучасны стан даследаванняў пахавальна-памінальнай абраднасці беларусаў Падзвіння. Прыходзім да высновы, што гісторыя вывучэння гэтай праблематыкі мае даўнюю традыцыю. Першыя працы, што змяшчаюць матэрыялы па пахавальна-памінальнай абраднасці беларусаў Падзвіння, з’явіліся яшчэ ў канцы XVI стагоддзя. Але па-сапраўднаму цікавасць да беларускага народа і яго культуры абуджаецца толькі ў канцы XVIІІ – пачатку ХІХ стагоддзя і звязана з уплывам рамантызму. За перыяд ХІХ – пач. ХХІ стагоддзя па гэтай тэме быў назапашаны багаты фактычны матэрыял. На яго аснове з’явіўся шэраг даследаванняў, якія адрозніваюцца паміж сабой як паводле канкрэтных пытанняў, якія ў іх разглядаюцца, так і паводле падыходаў адносна іх асвятлення. Нягледзячы на гэта, на сѐнняшні дзень комплекснага і сістэмнага даследавання, прысвечанага пахавальна-памінальнай абраднасці беларусаў Падзвіння, не існуе, і дадзеная праблема патрабуе грунтоўнага аналізу і падрабязнага асвятлення.