Асаблівасці развіцця права Беларусі перыяду Расійскай імперыі

Abstract

Праблема дыскрэтнасці і пераемнасці разглядаецца ў дачыненні да прававога развіцця перыяду Расійскай імперыі. Паказваецца ўплыў падзелаў Рэчы Паспалітай, страты дзяржаўнасці Вялікага княства Літоўскага і далучэння земляў Беларусі да Расіі на пераемнае развіцц? права Беларусі. Аналізуецца наданне землям ВКЛ прававой аўтаноміі, ацэньваецца яе аб’ем у сферы дзяржаўнага права, прававога статусу насельніцтва, грамадзянскага права, судовай сістэмы і працэсуальнага права, прасочваецца працэс уніфікацыі права літоўска-беларускіх губерняў з агульнаімперскім правам. Рэформы другой паловы XIX стагоддзя, якія праводзіліся на тэрыторыі Беларусі з некаторымі выключэннямі, і дэмакратызацыя пачатку ХХ стагоддзя спрыялі развіццю самакіравання на беларускіх землях. Змена пакаленняў і дэмакратызацыя ў Расійскай імперыі дазволілі ў канцы XIX – пач. XX стагоддзя большасці насельніцтва ўспрымаць дзейснае на тэрыторыі Беларусі права як сва?.