Вопыт фарміравання маральнага і фізічнага здароўя дзяцей дашкольнага ўзросту ў беларускай народнай педагогіцы

Abstract

У артыкуле праводзіцца апісанне і аналізаванне вопыту фарміравання маральнага і фізічнага здароўя дзіцяці дашкольнага ўзросту (а менавіта: «анёлкаў» і «блазнюкоў») у беларускай народнай педагогіцы. Такі вопыт меў пэўныя характэрныя рысы: 1) працэсы фарміравання маральнага і фізічнага здароўя асобы адбываліся не адасоблена, а ўзаемадапаўнялі адзін аднаго; 2) клопат аб маральным і фізічным здароўі дзіцяці пачынаўся задоўга да яго нараджэння ( будучыя бацькі павінны былі клапаціцца аб сваім рэпрадуктыўным здароўі), падчас нараджэння дзіцяці; 3) сродкі і метады аздараўленчага ўздзеяння ўскладняліся згодна з узростам асобы, што фарміравалася; 4) фарміраванне маральнага і фізічнага здароўя асобы мела сваю канкрэтную мэту – ідэал маральна і фізічна здаровага чалавека, якім мог быць як герой казкі або легенды, так і рэальная асоба.