Аб навуковай дзейнасці ў медыцынскім асяроддзі Полацка ў сярэдзіне XX стагоддзя

Abstract

Прадстаўлены досвед і фактычны матэрыял можна разглядаць як ці не першую ў полацкім краязнаўстве спробу такой сістэматызацыі. У краіне ў цэлым мясцовыя варункі гісторыі медыцыны вывучаліся ў адносінах да такіх служб, як дэрматавенералогія (Гродна), першасная медыка-сацыяльная дапамога (Рагачоў). Праблема абставін і выніку дзейнасці ўрачоў розных месцаў Беларусі дагэтуль дрэнна распрацавана, што патрабуе ўвагі з боку як гісторыкаў-даследчыкаў, так і мясцовых медыкаў. Цікавым будзе параўнанне стану ў абмяркоўваемай галіне ў Полацку і іншых месцах Беларусі. Навуковую дзейнасць урачоў Полацка ў 60-я гады мінулага стагоддзя можна ахарактарызаваць як напружаную і пленную, з улікам агульнай колькасці артыкулаў і іх якасці ва ўмовах адарванасці медыцынскага ася- роддзя ад акадэмічных і навучальных устаноў медыцынскага профілю, цяжкія ў фінансава-эканамічным сэнсе ўмовы жыцця і дзейнасці. Безумоўна, гісторыя медыцыны невялікіх гарадоў, а таксама гісторыя навуковых даследаванняў правінцыяльных урачоў на Беларусі толькі чакае свайго руплівага даследчыка.