Асiметрычная iнфармацыя у культуралагiчным даследаваннi, цi Эфект перагорнутага часу

Abstract

Разглядаецца праблематыка з’яўлення сіметрычнай і асіметрычнай інфармацыі ў культуралагічным даследаванні; вызначаюцца асноўныя паказчыкі і характарыстыкі абстрактных інфармацыйных сістэм культуры. У артыкуле ўпершыню ўводзіцца і абгрунтоўваецца паняцце «эфект перагорнутага часу» як жорстка дэтэрмінаваныя сучаснасццю інфармацыйныя працэсы мінулага, перанесеныя з адной абстрактнай інфармацыйнай сістэмы ў іншую. Праводзіцца ідэя, што з’яўленне асіметрычнай інфармацыі адбываецца менавіта на падставе інфармацыйнай прычыннасці, злучана з прастора-часавай разарванасцю інфармацыйных працэсаў. Інфармацыйны аналіз праводзіцца на прыкладзе беларускай культуры XIX стагоддзя як інфармацыйнай сістэмы. Тлумачыцца магчымасць і ўмовы разгляду розных інфармацыйных сістэм культуры ў межах больш складанай, якой быў, напрыклад, Паўночна-Заходні край поліэтнічнай дзяржавы Расійскай імперыі.