Грамадска-гаспадарчы аспект паўсядзённага жыцця насельніцтва Полацка-Лепельскай партызанскай зоны

Abstract

На тэрыторыі Полацка-Лепельскай партызанскай зоны з вызваленнем яе ад нямецкіх захопнікаў былі адноўлены савецкія органы кіравання. Насельніцтва партызанскай зоны жыло па законах ваеннага часу. Важным момантам функцыянавання і ўзаемадзейнасці партызан і мясцовага насельніцтва было выкананне з боку першых загадаў ваеннага камандвання. У той самы час выпадкі дысцыплінарных парушэнняў, фактараў маральна-бытавога разлажэння – п’янства і марадзёрства рабілі свае адбіткі на свядомасць мясцовага насельніцтва і фарміравалі адпаведныя адносіны і стаўленне. Пытанне забеспячэння насельніцтвам партызан харчовымі прадуктамі першы час насіла стыхійны характар з боку партызан, якія карысталіся сваім “прывелігераваным” становішчам і дазвалялі сабе рабаваць сялянскія ўладанні. Становішча процістаяння былі характэрнымі для сельскіх раёнаў, якія кантраляваліся партызанамі. Насельніцтва толькі напружаннем усіх сваіх сіл несла на сабе падвойную нагрузку – неабходнасць забеспячэння харчаваннем, іншымі прадуктамі земляробства і жывёлагадоўлі, саматужнай вытворчасці як саміх сябе, так і партызан.