Рэформа адукацыi у Рэчы Паспалiтай XVIII стагоддзя

Abstract

Даследуецца гісторыя філасофскай і педагагічнай думкі Рэчы Паспалітай эпохі Асветніцтва. Разглядаецца праграма Collegium Nobilium, распрацаваная Станіславам Канарскім у супрацьвагу традыцыйнай езуіцкай адукацыі. Далей аналізуецца праект Антонія Паплаўскага, які стаў падставай праведзенай Адукацыйнай камісіяй рэформы сістэмы адукацыі Рэчы Паспалітай. Дадзены праект прадугледжваў увядзенне пачатковай адукацыі для сялян. Паказана, што ў якасці канцэптуальнай асновы змен у адукацыі выступала фізіякратычная дактрына, папулярная сярод філосафаў Рэчы Паспалітай эпохі Асветніцтва. Прыняцце ідэй фізіякратызму прывяло да ўвядзення ў вучэбныя курсы тэорыі натуральнага права і палітычнай эканоміі і замены імі традыцыйнага курса філасофіі. У выніку праведзеных у XVIII стагоддзі рэформ адукацыя атрымала свецкі характар і была арыентавана на фарміраванне грамадскіх дабрачыннасцяў.