Мнеманiчная аксiялогiя культуры у творчай спадчыне Якуба Коласа

Abstract

Разгледжана культурная памяць як адзін з важнейшых кампанентаў духоўнай культуры. Адзначаецца, што яна арыентавана на захаванне, падтрыманне, замацаванне і ўзнаўленне навыкаў індывідуальных і групавых паводзін, камунікацыі розных грамадскіх супольнасцей. Дадзеная фундаментальная катэгорыя культуралогіі аналізуецца ў кантэксце нацыянальна-культурнага адраджэння, аперцэпцыі яе адным з ідэолагаў Беларускага адраджэння Якубам Коласам, 130-годдзе якога адзначае ў бягучым годзе сусветная грамадскасць. Абгрунтоўваецца думка, што Я. Колас лічыў культурную памяць сацыяльным феноменам, без якога немагчыма дзяржаўнае і культурнае будаўніцтва, паколькі яна выступае асноўным механізмам узнаўлення сутнасных рыс і якасцей, уласцівых беларускаму грамадству. Аўтар метадам інтэрпрэтацыі коласаўскіх тэкстаў даказвае, што пісьменнік разглядаў этнічную культуру беларусаў як форму сацыяльнай памяці, генерыруючы творчы механізм падтрымання і ўзнаўлення этнакультурнага зместу ў працэсе нацыянальна-культурнага адраджэння.