Смаленскія партызанскія фарміраванні на тэрыторыі Віцебшчыны (1942 – 1944 гг.): арганізацыйны і баявы аспект

Abstract

У артыкуле асвятляецца арганізацыйная і баявая дзейнасць на тэрыторыі Віцебшчыны смаленскіх парты-зан, накіраваных у рэгіён для разгортвання ўзброенай барацьбы супраць германскіх акупантаў у 1942–1944 гг., прыведзены прыклады сумесных дзеянняў віцебскіх і смаленскіх партызан па стварэнні атрадаў і брыгад і ўдзел у гэтым Віцебскага абкама КП(б)Б і камандавання 4-й ударнай арміі Калінінскага фронту. Паказана, што ў 1942 г. асноўным месцам узаемадзеяння партызан былі тылавыя аб’екты праціўніка на беларускай тэрыторыі ў тры-кутніку дарог Віцебск – Орша – Смаленск. Адзначана, што новы этап у баявой дзейнасці смаленскіх партызан на Віцебшчыне звязаны з перадыслакацыяй на розныя перыяды са Смаленскай вобласці некалькіх брыгад (палкоў). Згаданы найбольш значныя баявыя аперацыі, праведзеныя сумесна віцебскімі і смаленскімі партызанамі ў розных рэгіёнах Віцебскай вобласці. У высновах канстатуецца, што смаленскія партызанскія фарміраванні ўнеслі прыкметны ўклад у разгортванне партызанскага руху на Віцебшчыне ў гады Вялікай Айчыннай Вайны.