Апісанне кліматычных з’яў другой паловы XVII – XVIII ст. у Магілёўскай хроніцы Т.Р. Сурты і Трубніцкіх

Abstract

У артыкуле разглядаюцца асаблівасці апісання кліматычных з’яў у Магілёўскай хроніцы Т.Р. Сурты і Трубніцкіх. Хроніка з’яўляецца каштоўнай гістарычнай крыніцай па рэканструкцыі клімату другой паловы XVII – XVIII стст. У ёй згадваюцца перш за ўсё кліматычныя катаклізмы, якія знайшлі сваё адлюстраванне ў запісах пра анамальна халодныя зімы, няўстойлівае надвор’е ў вясеннія і летнія сезоны. У хроніцы вялікая ўвага звяртаецца на факты голаду, павышэння цэн на хлеб і іншыя прадукты харчавання, што было вынікам нізкіх ураджаяў, выкліканых неспрыяльнымі кліматычнымі ўмовамі. Аўтары Магілёўскай хронікі таксама апісалі выпадкі нашэсця саранчы, якія зноў назіраюцца на беларускіх землях з канца XVII ст. і з’яўляюцца выразным індыкатарам сухога і цёплага надвор’я.