Вытворчыя комплексы па апрацоўцы каляровых металаў Х–XVIІI стст. з тэрыторыі Паўночнай і Цэнтральнай Беларусі

Abstract

У артыкуле прадстаўлены вынікі абагульняючага даследавання вытворчых комплексаў па апрацоўцы каляровых металаў Х–XVIІI стст. з тэрыторыі Паўночнай і Цэнтральнай Беларусі. Аўтар прыходзіць да высновы, што асноўнымі цэнтрамі вырабу прадукцыі ювелірнага рамяства ў X–XVIIІ стст. у рэгіёне з’яўляліся гарадскія майстэрні (Полацк, Віцебск, Мінск, Друцк). Адзначаецца, што на тэрыторыі сельскіх паселішчаў апрацоўка каляровых металаў магла існаваць у якасці самастойнага віду рамеснай дзейнасці толькі ў межах гандлёва-рамесніцкіх паселішчаў Х–ХІ стст. (Кардон). Аўтарам устаноўлена таксама, што вытворчыя комплексы па апрацоўцы каляровых металаў X–XVIIІ стст. з тэрыторыі Паўночнай і Цэнтральнай Беларусі адносяца да некалькіх храналагічных груп: Х–ХІ стст. (3 комплексы), ХІІ–ХІІІ стст. (8 комплексаў) і XVII–XVIІI стст. (1 комплекс), якія адрозніваюцца асаблівасцямі тэхналагічных аперацый, інструментамі і прыстасаваннямі, а таксама хімічным складам сыравіннага метала.