Каталагiзацыя тэкстыльных мастацкiх творау Беларусi

Abstract

Каталагізацыя твораў тэкстыльнага мастацтва – ад археалагічных фрагментаў тканін, захаваных узораў нітак і сярэднявечных ткацкіх прыладаў да камплектаў адзення ХХ стагоддзя – дазваляе прасачыць уплыў ткацтва на працэс развіцця мастацтва Беларусі, увогуле спрыяе тэарэтычнаму вывучэнню, папулярызацыі і пашырэнню ведаў пра беларускую матэрыяльную, мастацкую і духоўную культуру шляхам тлумачэння высокай мастацкай вартасці тэкстыльных помнікаў. У артыкуле творы мастацкага тэкстылю з беларускіх музейных збораў падзяляюцца на групы і тыпы, акрэсліваюцца праблемы іх экспанавання і захавання. Аналіз экспанатаў з музейных збораў і тэкставых паведамленняў да іх у спалучэнні з пісьмовымі і іканаграфічнымі крыніцамі дазволіў прасачыць генезіс, даследаваць тыпалогію, асэнсаваць сімволіку і семантыку беларускага тэкстыльнага мастацтва мінулага тысячагоддзя. Навуковае даследаванне закладзеных у Сярэднявеччы тэкстыльных традыцый дае магчымасць іх пераасэнсавання, убачыць пераемнасць у наступных стагоддзях.