Тэарэтычныя аспекты даследавання эвалюцыi традыцый сямейнага выхавання беларусау у XIX-XX стагоддзях

Abstract

Традыцыі сямейнага выхавання беларусаў ХІХ – ХХ стагоддзяў уяўляюць сабой складаную сістэму, якая спалучае светапоглядныя каштоўнасці, сацыяльныя нормы і ўласна педагагічныя прыѐмы. Пры гэтым неабходна разумець традыцыі сямейнага выхавання як дынамічны і зменлівы феномен этнічнай культуры, які, захоўваючы важнейшыя каштоўнасныя ўстаноўкі народа, гнутка рэагуе і на сацыяльныя, эпахальныя і культурныя змены. Сабраныя даследчыкамі этнаграфіі дзяцінства матэрыялы па розных народах, як правіла, тэарэтычна недастаткова асэнсаваныя і па большай частцы апісальныя. Вельмі часта ў педагагічных даследаваннях, напрыклад, не адрозніваюцца сацыяльна-маральныя ідэалы выхавання дзяцей і рэальная педагагічная практыка, якая можа адрознівацца. Патрабуецца междысцыплінарны падыход да даследавання цэласнай карціны ладу жыцця дзяцей у беларусаў, вызначэння гістарычна склаўшыхся народных традыцый выхавання, лепшыя з якіх неабходна выкарыстоўваць у сучаснай практыцы.