Правядзенне нацысцкай палітыкі ізаляцыі яўрэйскага насельніцтва: стварэнне гета на тэрыторыі Віцебскай вобласці ў 1941 – 1942 гадах

Abstract

Нягледзячы на наяўнасць значнай колькасці прац, у якіх закраналася праблема Халакоста, застаецца шмат звязаных з ёю маладаследаваных і недаследаваных праблем, таму ў дадзеным артыкуле аб’ектам даследавання з’яўляецца правядзенне нацысцкай Германіяй палітыкі ізаляцыі яўрэйскага насельніцтва і стварэнне гета на тэрыторыі Віцебскай вобласці ў 1941 – 1942 гадах. У працы вырашаюцца наступныя задачы: па-першае, паказаны меры, якія прадпрымаліся нямецка-фашысцкімі акупантамі дзеля пазбаўлення асоб яўрэйскай нацыянальнасці палітычных і эканамічных праў; па-другое, разглядаецца працэс паступовага ізалявання ад іншага насельніцтва і стварэння гета – канцэнтрацыйнага лагера «адкрытага» і «закрытага» тыпу для размяшчэння яўрэйскага насельніцтва – на прыкладзе тэрыторыі Віцебскай вобласці. Асобая ўвага ўдзяляецца пытанню ўнутранага самакіравання ў гета – арганізацыі яўрэйскага савета (юдэнрата) і паліцыі, якія знаходзіліся пад назіраннем гебітскамісара ці асобы, назначанай ім. Вызначаюцца асобныя рысы ў працэсе стварэння гета ва ўсходніх і заходніх раёнах Віцебскай вобласці, якія пад час акупацыі знаходзіліся ў розных тэрытарыяльных межах, што і сказалася на працэсе адасаблення асоб яўрэйскай нацыянальнасці ад мясцовага неяўрэйскага насельніцтва.