Да пытання аб засяленні паўночнай часткі Беларусі ў познеледавіковы час (12 – 8 тыс. гадоў да н. э.)

Abstract

Артыкул прысвечаны пастаноўцы праблемы засялення тэрыторыі вобласці Беларускае Паазер’е (паўночная частка Беларусі) у познеледавіковы час. Дадзеная гіпотэза істотна замацавалася ў беларускай гістарыяграфіі. У якасці доказаў выкарыстоўваюцца дадзеныя аб адсутнасці помнікаў фінальнага палеаліту на поўначы Беларусі і наяўнасць такіх пунктаў для перыяду мезаліту. Некаторыя даследчыкі звязваюць гэта з адносна познім адыходам апошняга паазерскага ледавіка ў параўнанні з іншымі часткамі нашай краіны. Аднак аналіз нешматлікіх археалагічных матэрыялаў (Пясчаніца, Наўры і г.д.), а таксама дадзеных аб стаянках на тэрыторыях суседніх Літвы, Латвіі і Расіі, дазваляюць перагледзець гэтую пазіцыю. На наш пункт гледжання, малая колькасць помнікаў познеледавіковага перыяду на тэрыторыі Беларускага Паазер’я звязана з адсутнасцю сістэмнай працы па іх пошуку і вывучэнню. Арганізацыя такіх даследаванняў, паводле нашых меркаванняў, дазволіць падцвердзіць нашае меркаванне аб засяленні поўначы Беларусі ў перыяд 12-8 тыс. гадоў да н.э.