Уплыў марозных пашкоджанняў у растворах соляў на мікраструктуру і хларыдапранікальнасць бетону: аналіз эксперыментальных даследаванняў

Abstract

Жалезабетонныя канструкцыі павінны праектавацца для супрацьстаяння ўсім магчымым нагрузкам і ўсім прагназуемым уздзеянням навакольнага асяроддзя і іх камбінацыям на працягу праектнага тэрміна службы. Хларыдная карозія з'яўляецца на практыцы адным з асноўных механізмаў, які абмяжоўвае тэрмін службы жалезабетонных канструкцый. Пранікненне хларыду ў бетон паскараецца камбінаванымі дзеяннямі механічнай напругі і ўздзеяннямі хларыдаў. Да гэтага часу звесткі аб уплыве марозу на пранікненне хларыдаў даволі абмежаваныя. Марозаўстойлівасць бетону пры кантакце з вадой ці з солевымі растворамі, такімі як марская вада, мае асаблівае значэнне для прагназавання тэрміну службы ў халодных рэгіёнах. У вадзе і ў водным растворы ацэньваліся пашкоджанні бетону з рознымі вода-цэментнымі адносінамі, з уцягнутым паветрам і без яго. Да і пасля індукаванага марознага пашкоджання мікраструктура цэментавага каменя ў бетоне даследавалася метадамі ртутнай інтрузійнай параметрыі і сканавальнай электроннай мікраскапіі. Акрамя таго, вызначалася пранікненне хларыду да і пасля марознага ўздзеяння. Атрыманыя вынікі паказваюць, што страта масы бетону пасля цыклічнага замарожвання-адтавання ў солевым растворы значна вышэй, чым у вадзе. Пры ўцягванні паветра ствараюцца штучныя поры з сярэднім дыяметрам каля 50 мкм. Павелічэнне колькасці штучных пор уцягнутага паветра запавольвае пранікненне хларыдаў у бетон, паколькі капілярныя поры перарываюцца. Як следства, канцэнтрацыя хларыдаў зблізку павярхоўнай зоны павялічваецца, а глыбі ня пранікнення памяншаецца. Тут прааналізаваны вынікі серыі выпрабаванняў з трыма рознымі відамі бетону. Былі выбраны тры розныя вода-цэментныя адносіны. Тры розныя віды бетону былі пратэставаны з уцягваннем паветра і без яго. Даследавана дэградацыя бетону ў цыклах замарожванняадтавання ў вадзе або ў водных растворах хларыдных соляў. Прааналізаваны мікраструктуры і пранікальнасць хларыдаў. Аналіз вынікаў гэтых эксперыментальных даследаванняў неабходзен для прагназавання тэрміна службы жалезабетонных канструкцый у халодных рэгіёнах.