Успаміны Альбрэхта Станіслава Радзівіла як крыніца па гісторыі клімату Усходняй Еўропы першай паловы XVII ст.

Abstract

У артыкуле разглядаюцца апісанні клімату Усходняй Еўропы першай паловы XVII ст., зробленыя канцлерам вялікім літоўскім Альбрэхтам Станіславам Радзівілам ва “Успамінах пра падзеі ў Польшчы”. Аўтар дадзенага помніка мемуарнай літаратуры засяродзіў сваю ўвагу на апавяданні пра надвор’е асобных зім і вясенніх сезонаў з моцнымі засухамі, частка з якіх ідэнтыфікуецца па нашэсцях саранчы. Вялікі пласт запісаў датычыцца экстрымальных кліматычных з’яў, дзе асабліва вылучаюцца звесткі пра моцныя вятры і зацяжныя дажджы з маланкамі. Пэўную метэаралагічную інфармацыю даюць запісы пра візіты караля Рэчы Паспалітай Уладзіслава IV у Вільню, падчас якіх Радзівіл апавядае і пра стан надвор’я. Характар запісаў, занатаваных ва Успамінах адлюстроўвае асаблівасці рэлігійнага светапогляду таго часу, калі кліматычныя з’явы ў большасці сваёй тлумачыліся праяўленнем волі Бога.